ചരിത്രപ്രസിദ്ധമായ തൃശൂര് പൂരം നാളെ. രാവിലെ 7.30 മുതല് വിവിധ ക്ഷേത്രങ്ങളില് നിന്നായി ഘടകപൂരങ്ങള് വടക്കുന്നാഥ സന്നിധിയിലേക്ക് എഴുന്നള്ളി. 11ന് മഠത്തില് വരവ് പഞ്ചവാദ്യവും ഉച്ചയ്ക്ക് 12.30ന് പാറമേക്കാവ് ക്ഷേത്രത്തിനു മുന്പില് ചെമ്പട മേളവും അരങ്ങേറും. ഉച്ചയ്ക്ക് 2.10നാണ് വടക്കുന്നാഥ ക്ഷേത്രത്തില് പൂരത്തിന്റെ ഹൈലൈറ്റുകളിലൊന്നായ ഇലഞ്ഞിത്തറ മേളം. തുടര്ന്ന് പ്രസിദ്ധമായ തെക്കോട്ടിറക്കം. തിരുവമ്പാടി ദേവസ്വത്തിന്റെ തിടമ്പ് കൊമ്പന് തിരുവമ്പാടി ചെറിയ ചന്ദ്രശേഖരനും പാറമേക്കാവിന്റെ തിടമ്പ് ഗുരുവായൂര് നന്ദനും ഏറ്റും. തുടര്ന്നു തെക്കേനടയില് വര്ണവിസ്മയം തീര്ക്കുന്ന കുടമാറ്റം അരങ്ങേറും. തിങ്കള് പുലര്ച്ചെ 3നാണ് പ്രസിദ്ധമായ പൂരം വെടിക്കെട്ട്. തിങ്കളാഴ്ച പകല്പ്പൂരത്തിനു ശേഷം ദേവിമാര് ഉപചാരം ചൊല്ലി പിരിയുന്നതോടെ പൂരത്തിന് പരിസമാപ്തിയാകും.
എല്ലാ വര്ഷവും വ്യത്യസ്തമായ കുടകള് അവതരിപ്പിക്കാന് രണ്ടു വിഭാഗവും ശ്രമിക്കാറുണ്ട്. പലനിലകള് ഉള്ള കുടകള് അടുത്തകാലത്ത് അവതരിപ്പിച്ചതില് വ്യത്യസ്തതയുള്ള ഒന്നാണ്. മുപ്പതാനകളുടെ മസ്തകമലങ്കരിക്കുന്ന നെറ്റിപ്പട്ടങ്ങള് പകലിന് സുവര്ണപ്രഭ സമ്മാനിക്കും. മേളത്തിന്റെ അകമ്പടിയോടെ പിന്നീട് വര്ണങ്ങള് മാറിമറിയുകയായി. ഇതിന് ശേഷം പുലര്ച്ചെയോടെയാണ് വെടിക്കെട്ട് ഒരുങ്ങുന്നത്. നെയ്തലക്കാവിലമ്മയെ ശിരസ്സിലേറ്റി പൂരവിളംബരമറിയിക്കാനുള്ള നിയോഗം ഇത്തവണയും കൊച്ചിന് ദേവസ്വം ബോര്ഡിന്റെ എറണാകുളം ശിവകുമാര് എന്ന കൊമ്പനായിരുന്നു. ചെമ്പടമേളം, ഇലഞ്ഞിത്തറ മേളം, തെക്കോട്ടിറക്കം, കുടമാറ്റം, പഞ്ചവാദ്യം എന്നിവയെല്ലാം തൃശൂര് പൂരത്തിന്റെ പ്രധാന ഘടകങ്ങളാണ്. പകല്പ്പൂരം കഴിഞ്ഞുള്ള വെടിക്കെട്ട്, പിന്നീട് ഉപചാരം ചൊല്ലിപ്പിരിയല് എന്നിവയാണ് പ്രധാന ചടങ്ങുകള്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
